गैरआवासीय नेपाली संघ (एनआरएनए) ले ५६० वटा अक्सिजन सिलिण्डर स्वास्थ्य मन्त्रीलाई हस्तान्तरण गरेको छ । नेपालमा देखिएको अक्सिजन सिलिण्डर संकट समाधान गर्न मध्यपूर्वका गैरआवासीय नेपालीले पठाएका ५६० वटा सिलिण्डर स्वास्थ्यमन्त्री हृदयश त्रिपाठीलाई हस्तान्तरण गरिएको हो ।
सिलिण्डरहरू प्राथमिकता क्रममा वितरण गरिने बताईएको छ ।
प्राथमिकता क्रम:
सुदूरपश्चिम प्रदेशः १००
कर्णाली प्रदेशः १००
लुम्बिनी प्रदेशः २००
प्रदेश नम्बर २ः ८५
गण्डकी प्रदेशः ७५
‘नेपालमा अक्सिजन पठाऔँ, आफन्तको ज्यान बचाऔँ’ अभियानअन्तर्गत मध्यपूर्वका गैरआवासीय नेपालीले सिलिण्डर नेपाल पठाएका हुन् । थप सहायता आउने क्रममा रहेको ६७० वटा अक्सिजन कन्सन्ट्रेटर तत्कालै उपलब्ध गराईने एनआरएनएले जनाएको छ ।
सहयोग र सजीकरणमा जुट्ने सबैमा हार्दिक धन्यवाद
