लायन्स क्लब अफ काठमान्डौ समर्पणको सहयोगमा आज देखि १५ सैयाको कोभिड एचडियु वार्ड मित्रपार्क स्थित नेपाल भारत मैत्री–अस्पतालमा संचालनमा आएको छ ।
लायन्स क्लब अफ काठमान्डौ समर्पणले दुईवटा हाईफ्लो मेशिन र छ वटा बाईप्याप् मेशिन कोभिड बिरामीहरुका लागि निशुल्क रुपमा सेवा दिन अस्पताललाई प्रदान गरेको लायन्स समर्पणका अध्यक्ष श्री दीपक बंसलले जानकारी दिए ।
कोभिड १९ को दोस्रो लहरले नेपालमा पनि निकै कठिन अवस्था सृजना गरेको अहिलेको अवस्थामा अझै आवश्यकता अनुसार जीवन रक्षक उपकरणहरु [Life Saving Equipments] HDU वार्डमा उपलब्ध गराउने लायन्स समर्पणका उपाध्यक्ष लभेन्द्र सिंंह मल्ल र सचिब अखिल अग्रवालले जानकारी दिएका छन् ।
लायन्स क्लब समर्पणसंग सहकार्य गरेर अझै नयाँ कोभिड वार्ड खोल्ने कार्य समेत भईरहेको अस्पतालका प्रबन्ध निर्देशक पवन पाठकले जानकारी दिए ।
