बजारमा भिटामिनजन्य औषधिको जथाभाबी बिक्री भइरहेको पाइएको छ । औषधि व्यवस्था विभागले यसरी बिक्री भइरहेका औषधि तथा भिटामिनले स्वास्थ्यमा असर पारिरहेको भन्दै प्रयोग नगर्न आग्रह गरेको छ ।
विभागले आज एउटा सूचना निकालेर ट्याबलेट, क्याप्सुल तथा झोलमा पाइने औषधि खाद्यवस्तु जस्तै गरी आयात र बिक्री भइरहेकाले प्रयोग नगर्न भनेको हो ।
विभागले जी ल्याब्रोटोरिज, भारतमा बनेको बायोदी ड्रप्स बालबालिकाका लागि प्रयोग गर्दा असर देखिएको जनाएको छ । यी औषधि नेपालमा दर्ता छैनन् ।