राष्ट्रिय चिकित्सक संघको अध्यक्षमा डा. जागेश्वर गौतम

रासस

रासस

Sep 18, 2022 | 09:30:00 AM मा प्रकाशित

laxmi  sunrise bank

राष्ट्रिय चिकित्सक संघको अध्यक्षमा डा. जागेश्वर गौतम निर्वाचित भएका छन् । शनिबार सम्पन्न सङ्घको दोस्रो राष्ट्रिय सम्मेलनले डा. गौतमको अध्यक्षतामा ५१ सदस्यीय नयाँ कार्यसमिति चयन गरेको संघका निवर्तमान अध्यक्ष डा। सन्तोष पौडेलले जानकारी दिए ।

उनका अनुसार सम्मेलनले उपाध्यक्षमा डा. रणजितकुमार झा, डा. नवीन पोखरेल र डा. रक्षा श्रेष्ठलाई चयन गरेको छ । यसैगरी सङ्घको महासचिवमा डा. पुष्पमणि खराल, कोषाध्यक्षमा डा. सुनिल गजुरेल, सचिवमा डा. मिलन गैरे, डा. छवि पन्थी र डा. क्रिष्टिना श्रेष्ठ रहेका छन् ।

सम्मेलनले सातवटै प्रदेशको संयोजकसमेत तोकेको छ । केन्द्रीय सदस्यलाई प्रदेश संयोजक तोकिएको छ । यस्तै प्रदेश १ मा डा. प्रमोद बराल, मधेसमा डा. महेश महासेठ, बागमती प्रदेशमा डा. जगदीश थापा, गण्डकी प्रदेशमा डा. डेविड श्रेष्ठ, लुम्बिनी प्रदेशमा डा. सागर न्यौपाने, कर्णाली प्रदेशमा डा. कविराज पौडेल, सुदूरपश्चिम प्रदेशमा डा. निरज अर्याल र काठमाडौँ उपत्यकामा डा. कालुसिंह खत्रीलाई चयन गरेको छ ।

नवनिर्वाचित अध्यक्ष डा. गौतमले चिकित्सकको हकहित र सङ्गठन विस्तारको काम गर्ने बताएका छन् । अहिले सङ्घका बागमती प्रदेश र लुम्बिनी प्रदेशमा कमिटी तथा देशभरि नौवटा शाखा रहेका छन् ।

उनले सातवटै प्रदेश, ७७ वटै जिल्ला, शिक्षण अस्पताल र प्रतिष्ठानमा सङ्गठन विस्तार गर्दै स्वास्थ्य सेवालाई जनताको पहुँचमा पु¥याउनका लागि स्वास्थ्य तथा जनसंख्या मन्त्रालयसँग मिलेर काम गर्ने जानकारी दिए । सङ्घमा देशभरि पाँच सय चिकित्सक आवद्ध रहेको बताइएको छ ।

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved