
योगदान राष्ट्रको लागि नामक सस्थाले संघीय राजधानी काठमाडौंमा तीन दिने प्राथमिक उपचार तालिम शुरु गरेको छ ।
उक्त तालिम आगामी आइतबारसम्म चल्ने छ ।अन्तरराष्ट्रिय प्रशिक्षक ओम उप्रेतीले शुक्रबारदेखि उक्त तालिमको सञ्चालनमा ल्याएका हुन् ।
सरसफाइ, जनचेतना, आगजनी, बाढी पहिरो, आकस्मिक दुर्घटनाबाट बच्ने उपाय लगायतका तालिम सञ्चालन गर्दै आइरहेको उक्त संस्थाले मुलुकमा आइपर्ने महामारी, आपतकालीन समस्यासँग जुध्नका लागि दक्ष जनशक्ति तयार गर्न प्रयास गरिरहेको छ ।
काठमाडौंपछि उक्त तालिम जेठ १४ गते स्याङजा, १५ गते कास्की, १६ गते गोर्खा, १७ गते लम्जुङ, र तनहुँमा १८ र १९ गते सञ्चालन हुने आयोजक संस्थाले बताएको छ।