नेपाल उद्योग वाणिज्य महासंघको निर्वाचनमा पद अनुसार फरक फरक ठाउँमा मतदान हुने भएको छ । महासंघको निर्वाचन समितिले साधारसभा र निर्वाचनको तालिका बारे सूचना जारी गरेरै बरिष्ठ उपाध्यक्षको निर्वाचनका लागि नेपाल प्रज्ञा प्रतिष्ठान कमलादीलाई मतदान स्थल तोकिएको जानकारी गराएको छ । त्यस्तै उपाध्यक्षहरुको निर्वाचन भने कार्की ब्याङक्वेट बबरमहलमा हुने भएको छ । अरु कार्यकारिणी सदस्यहरुको निर्वाचनका लागि भने महासंघको भवन टेकुलाई नै मतदान स्थल तोकिएको छ ।
निर्वाचन समितिले उम्मेद्वारी दर्ताका लागि मंसिर ४ गते साँझ ५ बजे सम्मको समय तोकेको छ । जिल्ला नगरस्तरीय संघ र बस्तुगत संघले मुख्य प्रतिनिधिसहित २ जना र उम्मेद्वार खडा गर्ने जिल्ला नगरस्तरीय उद्योग वाणिज्य संघ र बस्तुगत संघले उम्मेदरवारसहित ३ जना प्रतिनिधि पठाउन सक्ने छन् ।
महासंघको निर्वाचन आगामी मंसिर १२ गते हुने भएको छ ।
