नेपाल उद्योग वाणिज्य महासंघ (एफएनसीसीआई) को वरिष्ठ उपाध्यक्षमा वर्तमान उपाध्यक्ष चन्द्र प्रसाद ढकालले उम्मेदावारी दर्ता गरेका छन् । बुधबार महासंघको केन्द्रीय कार्यालय टेकू पुगेर ढकालसहित उनको प्यानलले उम्मेद्वारी घोषणा गरेको हो ।
ढकाल प्यानलको वस्तुगत उपाध्यक्षमा उमेशलाल श्रेष्ठ, जिल्लारनगर उपाध्यक्षमा गुणनिधि तिवारी र एशोसिएट उपाध्यक्षमा रामचन्द्र संघाईले उम्मेदवारी दर्ता गराएका हुन् ।
महासंघको ५४ औं वार्षिक साधारणसभा र निर्वाचन मंसिर ११, १२ र १३ गते हुँदैछ ।
उम्मेदवारहरुले कार्तिक ५ गते बुधबारदेखि मंसिर ४ गतेसम्म मनोनयनपत्र दाखिला गर्न सक्नेछन् । मनोनयन दाखिला इमेलबाटै गर्न सकिने र त्यसको सक्कल कागजागत मंसिर ४ गतेभित्र महासंघमा बुझाइसक्नुपर्ने व्यवस्था गरिएको महासंघ निर्वाचन समितिले जनाएको छ ।