नेपालमै अब सेरामिक्स टायल उत्पादन हुने भएको छ । हालसम्म विदेशबाट ल्याउनुपर्ने बाध्यता रहेको सेरामिक्स टायलको ठूलो परिणाम अब नेपालमै उत्पादन हुने भएको हो ।
लुम्बिनी सेरामिक्स प्रा.लि.ले बर्दियाको गुलरिया नगरपालिका–८ मा सेरामिक्स टायल उद्योग खोल्न लागेको हो । सेरामिक्स टायल उद्योगमा ३ अर्ब ९६ करोड ७६ लाख रुपैयाँ लगानी हुनेछ । यो सम्पूर्ण लगानी स्वदेशी हो ।
यो उद्योग, उद्योग विभागमा दर्ता भईसकेको छ । उद्योग विभागका अनुसार यस उद्योगबाट वार्षिक २ करोड ८० लाख पिस सेरामिक्स टायल उत्पादन गर्ने लक्ष्य राखिएको छ । यस उद्योगले ५ सय ४ जनालाई रोजगारी दिने उल्लेख छ ।
सुब्रत धिताल मुख्य लगानीकर्ता रहने यो उद्योगको कुल पूँजीमध्ये ३ अर्ब २१ करोड ४७ लाख रुपैयाँ स्थिर पुँजी र ७५ करोड २९ लाख रुपैयाँ चालू पूँजी रहेको छ ।
उद्योगबाट लिभिङ रुम, बाथरुम, किचन, टेरेस, फ्लोर, आउटडोर, भित्ता लगायतशरुमा प्रयोग गर्ने टायल उत्पादन गरिनेछ ।
हाल नेपालमा बाराको जितपुरमा सेरामिक्स टायल उद्योग सञ्चालनमा छ ।