निर्माणको सिजनमा आकाशिएको निर्माण सामग्रीको भाउ ह्वात्तै घटेको छ । वर्षा लागेसँगै निर्माणको सिजन सकिएपछि निर्माण सामग्रीको मूल्य घटेको हो ।
सिमेन्ट, फलामे डण्डी लगायतका सबैखाले निर्माण सामग्रीको मूल्य घटेको उत्पादक तथा बिक्रेताहरु बताउँछन् । मनसुन सुरु भएपछि भौतिक निर्माणको काम नहुने भएकाले यो सिजनमा निर्माण सामग्रीको भाउ घट्ने गरेको छ ।
१४० रुपैयाँ प्रतिकेजी पुगेको फलामे डण्डीको भाउ अहिले ९५ रुपैयाँमा झरेको छ ।
सिमेन्टको भाउ पनि घटेको छ । गत वर्षको तुलनामा सिमेन्टको भाउ प्रतिबोरा १ सय रुपैयाँसम्मले घटेको उत्पादकहरु बताउँछन् । अहिले ओपीसी सिमेन्ट प्रतिबोरा ६८० देखि ७३० रुपैयाँमा झरेको छ ।
पीपीसी सिमेन्ट प्रतिबोरा ६३० रुपैयाँमा आईपुगेको छ ।
