उदयपुर सिमेन्ट उद्योग सञ्चालनको माग गर्दै मजदुरहरुका ४ संगठनले उद्योग, वाणिज्य तथा आपूर्तिमन्त्रीलाई ध्यानाकर्षणपत्र पठाएका छन् ।
उद्योगमा क्रियाशिल ४ मजदुर संघठनले संयुक्त रुपमा सोमबार उद्योगमन्त्री दिलेन्द्रप्रसाद बडूलाई ध्यानाकर्षणपत्र पठाएका हुन् ।
समग्र ट्रेड युनियन, नेपाल कारखाना श्रमिक संघ, अखिल नेपाल औद्योगिक मजदुर संघ र औद्योगिक मजदुर संगठनले उद्योग मन्त्री बडूलाई हाल बन्द अवस्थामा रहेको उद्योग तत्काल सञ्चालनमा ल्याउन माग गरिएको छ ।
‘उद्योग पटक पटक बन्द हुँदै खुल्दै गरेको, क्लिंकर उत्पादन बन्द भएको र अवकाशमा गएका कर्मचारीले समेत सेवा सुविधा नपाएको अवस्था छ’ उनीहरुले पठाएको ध्यानाकर्षण पत्रमा भनिएको छ, ‘उद्योगमा महाप्रबन्धकको उपस्थिति न्यून देखिएको, उद्योगका उच्च व्यवस्थापन अनुदार हुँदा उद्योग नै कमजोर हुँदै गएको छ ।’
उद्योगले दशैं पछि क्लिंकर उत्पादन गर्न सकेको छैन ।