समाज लघुवित्त वित्तीय संस्थाले निष्काशन गरेको आईपिओ आज बाँडफाँड नहुने भएको छ । आज प्रि अलोटमेन्ट सकिएको र आईपिओ सोमबार बाँडफाँड हुने सम्भावना रहेको क्यापिटलले जनाएको छ। बिक्रि प्रबन्धक सिद्दार्थ क्यापिटलले नेपाल धितोपत्र बोर्डले अनुमति दिएमा आज शुक्रबार नै शेयर बाँडफाँड गर्ने तयारी गरेको थियो ।
शेयर बाँडफाँड कार्यालय मै गरिने र त्यसको प्रत्यक्ष प्रसारण क्यापिटलको फेसबुक पेज मार्फत गरिने क्यापिटलले जनाएको छ ।
समाज लघुवित्तले भदौ ४ देखि ८६ लाख बराबरको ८६ हजारको कित्ता बराबरको शेयर निष्काशन गरेको थियो । जस मध्ये ०.५ प्रतिशत अर्थात् १ हजार कित्ता कर्मचारीको लागि र ५ प्रतिशत अर्थात् ४३ सय कित्ता सामुहिक लगानी कोषको लागि छुट्याइएको थियो । बाँकि रहेको ८० हजार ७ सय कित्ताको लागि सर्बसाधारणले आवेदन दिएका छन् ।
आईपिओमा ५ लाख ६६ हजार ४७३ आवेदकले एक अर्ब २० करोड १५ लाख रुपैयाँ बराबरको एक करोड २० लाख १५ हजार ८२० कित्ताको लागि आवेदन दिएका छन् । कम्पनीको आईपिओ गोलाप्रथाबाट ८ हजार ७० जनाले मात्र पाउने छन् ।