सानिमा जनरल इन्स्योरेन्स Sanima General Insurance Company ले निष्काशन गरेको आईपिओमा पहिलो दिन नै माग भन्दा २ गुणा बढीको आवेदन परेको छ । आज साँझ ५ बजेसम्ममा २ लाख ६५ हजार ६ सय १६ जना आवेदकले ६१ लाख ४४ हजार ९ सय ५० कित्ताको आवेदन परेको हो । यो माग भन्दा २.२५ गुणा बढी हो ।
कम्पनीले आज असोज २१ गतेदेखि प्रति शेयर १ सय अंकित दरले हुने ३० करोड बराबरको ३० लाख कित्ता आईपिओ निष्काशन गरेको हो । जस मध्ये १ लाख २० हजार कित्ता कर्मचारीको लागि र १ लाख ५० हजार कित्ता सामुहिक लगानी कोषको लागि छुट्याईएको छ । बाँकि रहेको २७ लाख ३० हजारको कित्ताको लागि सर्वसाधारणले आवेदन दिन सक्ने छन् ।
कम्पनीको आईपिओमा असोज २५ गतेसम्म आवेदन दिन सकिने छ । आईपिओमा न्युनतम १० कित्ता र अधिकतम १ हजार कित्ताको लागि आवेदन दिन सकिने छ । तर कम्पनीको आईपिओमा गोलाप्रथाबाट २ लाख ७३ हजारले मात्र पाउने भएकोले १० कित्ता भन्दा बढीको लागि आवेदन दिनु उपयुक्त देखिदैन । कम्पनीले आइपीओ निष्कासनको लागि एनआईसी एशिया क्यापिटल लिमिटेडलाई बिक्रि प्रबन्धका नियुक्त गरेको छ । हाल कम्पनीको चुक्ता पूँजी ७० करोड रुपैयाँ रहेको छ । सर्वसाधारण शेयर निष्काशन गरे पश्चात कम्पनीको चुक्ता पूँजी एक अर्ब रुपैयाँ पुग्ने छ ।
कम्पनी हाल घाटामा रहेको छ भने आर्थिक ७९/८० बाट मात्र लाभांश दिन सक्ने देखिन्छ ।
हेर्नुस कम्पनी रिभ्यु :
