घोराही सिमेन्टको आईपीओमा आजसम्म कति पर्यो आवेदन ? भोलि अन्तिम दिन

बिजपाटी संवाददाता

बिजपाटी संवाददाता

May 15, 2023 | 05:47:17 PM मा प्रकाशित

laxmi  sunrise bank

घोराही सिमेन्टले श्रम स्वीकृति लिई विदेशमा रहेका नेपाली नागरिकको लागि निष्काशन गरेको आईपिओमा आज चौधौँ दिन रु.२३ करोड रकम बराबरको आवेदन परेको छ । कम्पनीले वैशाख १९ गतेदेखि आयोजना प्रभावित स्थानीय र श्रम स्वीकृति लिई विदेशमा रहेका नेपाली नागरिकको लागि प्रिमियममा आईपिओ निष्काशन गरेको थियो ।

सिडीएस एंड क्लियरिंग लिमिटेडका अनुसार आज सोमबार बेलुका ५ बजे सम्म घोराही सिमेन्टको अईपिओमा विदेशमा रहेका नेपाली नागरिकबाट ५ लाख २४ हजार ६ सय ७० कित्ताको लागि आवेदन परेको छ। जुन मागको लगभग ६९.५२  प्रतिशत आवेदन हो । उक्त अईपियोमा १२ हजार ३ सय ६४ जनाको आवेदन परेको हो  ।

कम्पनीले  श्रम स्वीकृति लिई विदेशमा रहेका नेपाली नागरिकलाई ७ लाख ५४ हजार ६ सय ६१ कित्ता शेयर निष्काशन गरेको हो  । नेपाली श्रमिकलाई अंकित मूल्य १०० रुपैयामा ३३५ रुपैयाँ प्रिमियम थपेर प्रति कित्ता ४३५ रुपैयाँमा शेयर निष्काशन गर्न लागिएको हो  । श्रमिकले पुरै कित्ताको लागि आवेदन दिन सक्ने छन् ।  उनीहरुले जेठ २ गतेसम्म मात्र आवेदन दिन सकिने छ । शेयर निष्काशनको लागि हिमालयन क्यापिटल र नबिल इन्भेष्टमेन्ट बिक्रि प्रबन्धक रहेको छ । 

स्थानीय र श्रम स्वीकृति लिई वैदेशिक रोजगारीमा रहेकालाई शेयर निष्काशन गरि बाँडफाँड गरेपछि कम्पनीले सर्बसाधारणलाई शेयर निष्काशन गर्नेछ ।

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved