नेपाल रिपब्लिक मिडियाले वैदेशिक रोजगारीमा गएका नेपालीहरुका लागि आइपीओ निष्काशन गरेको आज दोश्रो दिन नै ८० प्रतिशतको आवेदन परिसकेको छ । कम्पनीले वैशाख ३१ गतेदेखि आयोजना प्रभावित स्थानीय र श्रम स्वीकृति लिई विदेशमा रहेका नेपाली नागरिकको लागि प्रिमियममा आईपिओ निष्काशन गरेको थियो ।
सिडीएस एंड क्लियरिंग लिमिटेडका अनुसार आज सोमबार बेलुका ५ बजे सम्म नेपाल रिपब्लिक मिडियाको अईपिओमा विदेशमा रहेका नेपाली नागरिकबाट ३ लाख ५० हजार ३ सय ६० कित्ताको लागि आवेदन परेको छ। जुन मागको लगभग ८० प्रतिशत आवेदन हो । उक्त अईपियोमा हालसम्म ९ हजार ९ सय ८५ जनाको आवेदन परेको हो ।
कम्पनीले जारी पुँजी ९६ करोड ७५ लाख रुपैयाँको ४४.९९ प्रतिशत बराबरको १ सय रुपैयाँ अंकित दरमा ४३ करोड ५३ लाख रुपैयाँ बराबरको ४३ लाख ५३ हजार कित्ता सेयर निष्काशन गरेको हो ।
जसमध्ये १ लाख ७४ हजार १२० कित्ता सेयर कर्मचारीहरु र २ लाख १७ हजार ६५० कित्ता सेयर सामूहिक लगानी कोषको लागि छुट्याइएको छ । वैदेशिक रोजगारीमा गएका नेपालीहरुका लागि सर्वसाधारणमा जारी हुने सेयरको १० प्रतिशतले हुन आउने ४ करोड ३५ लाख ३० हजार रुपैयाँ बराबरको ४ लाख ३५ हजार ३ सय कित्ता सेयरको बिक्री खुला गरेको हो ।
कम्पनीको बाँकी रहको ३५ लाख २५ हजार ४३० कित्ता साधारण सेयरमा सर्वसाधारण लगानीकर्ताले जेठ २६ गतेदेखि आवेदन दिन पाउने छन् । कम्पनीको आईपीओमा बैदेशिक रोजगारीमा रहेकाले न्यूनतम १० कित्तादेखि अधिकतमम ५ सय कित्ताका लागि आवेदन दिन सक्नेछन् ।
वैदेशिक रोजगारीमा रहेका नेपालीहरुले कम्पनीको आईपीओमा आज बैशाख ३१ गतेदेखि जेठ १४ गतेसम्म आवेदन दिन सक्नेछन् ।
कम्पनीको सेयर निष्काशन तथा बिक्री प्रबन्धक मेगा क्यापिटल रहेको छ । रिपब्लिक मिडिया सञ्चार माध्यमहरुको तर्फबाट सर्वसाधारणमा सेयर जारी गर्ने पहिलो कम्पनी हो ।