सिन्धुली र ओखलढुङ्गा जोड्ने निर्माणधिन पक्की पुल बाढीले बगाएको छ । नवलपूरस्थित निर्माणाधिन पक्की पुल सुनकोसी नदीमा आएको बाढीले बगाएको हो ।
सिन्धुलीको फिक्कल गाउँपालिका–२ पोखरी र ओखलढुङ्गाको चम्पादेवी गाउँपालिका–१ पलापु जोड्ने पक्की पुल बुधबार राती सुनकोसी नदीमा आएको बाढीले भत्काएको हो ।
चुँदी कन्ट्रक्सन सानेपा ललितपूरले २२ करोड लागतमा निर्माण सुरुवात गरेको २१० मिटर लामो पुलको स्ल्याब बाढीले बगाएको छ । फिक्कल गाउँपालिका–२ का वडाअध्यक्ष शंकर भण्डारीका अनुसार बाढीले नदीको बीच भागमा रहेको ४० मिटरको स्ल्याब बगाएको हो ।
