शौर्य सिमेन्टले चित्रकला प्रतियोगिता गर्दै, पहिलो हुनेलाई ७५ हजार नगद पुरस्कार

बिजपाटी संवाददाता

बिजपाटी संवाददाता

Nov 09, 2023 | 04:39:08 PM मा प्रकाशित

laxmi  sunrise bank

शौर्य सिमेन्ट इण्डष्ट्रिज लि।ले यस वर्ष देखि आफ्नो व्यवसायिक सामाजिक उत्तरदायित्व अन्तर्गत मधेस प्रदेश लाई लक्षित गरी “शौर्य मिथिला लोक चित्रकला प्रतियोगिता २०८०“ ल्याएको छ । यस प्रतियोगितामा मधेश प्रदेशका १६ वर्ष भन्दा माथिका महिला वर्गहरू सहभागि हुन सक्ने छन् । 

प्रतियोगिता ३ बिभिन्न चरणमा सम्पन्न हुने छ । पहिलो चरणमा सहभगि महिलाहरुले आफ्नो विस्तृत जानकारी एवं आफ्नो एक चित्रकलाको प्रतिलिपी कम्पनीको वेभसाइट/ फेसबुक पेजको QR Code Scan  गरी फारम भरी बुझाउन वा उपलब्ध फारम डाउनलोड गरी आवश्यक सम्पूर्ण जानकारी उल्लेख गरी  Whatsapp नं। ९८०२३३५५८५ मार्फत पनि पठाउन सक्ने जनाइएको छ । यसका साथै भरिएको फारम र आफ्नो चित्रकला गाउँपालिकार न।पा मार्फत  बुझाउन मिल्ने सुबिधा समेत मिलाईएको आयोजकले जनाएको छ ।

फारम बुझाउने अन्तिम मिति २०८० मंसिर ८ रहने छ । फारम साथ उपलब्ध गराइएको चित्रकलाको आधारमा सहभागी मध्ये ७५ सहभागीहरू दोस्रो चरणको लागि चुनिने छन् । दोस्रो चरणमा प्रवेश गरेका समहभागीहरुले कम्पनिले उल्लेख गरेको विषयमा मिथिला चित्रकला क्यान्भासमा कोर्नु पर्ने छ । दोस्रो चरणको प्रतियोगिता शौर्य सिमेन्टको आफ्नो उद्योग भित्र नै संचालन हुने छ ।

आयोजकका अनुसार अन्तिम चरणका लागि  ७५ सहभागी मध्ये उत्कृष्ट १५ सहभागीहरु चुनिने छन् । यस चरणमा सहभागीहरुले शौर्य सिमेन्टको उद्धोगको भित्तामा मिथिला चित्रकला बनाउनु पर्ने हुन्छ । विज्ञप्तीमा भनिएको छ, 'उहाँहरुले बनाउनु भएको चित्रकलाको मुल्याङ्कन निर्णायक समिति द्वारा गरी सोही अनुरुप पुरस्कृत समेत गरिनेछ ।'

 यस प्रतियोगिताको पुरस्कार स्वरुप प्रथम स्थान प्राप्त गर्नेलाई ७५,हजार रुपैयाँ दोस्रो स्थान प्राप्त गर्नेलाई ५० हजार रुपैयाँ तेस्रो स्थान प्राप्त गर्नेलाई  २५ हजार रुपैयाँका साथै १२ जनालाई सान्त्वना स्वरुप हरेकलाई ५ हजार रुपैयाँ उपलब्ध गराईने जनाइएको छ ।

 यस प्रतियोगितामा सहभागि हुनको लागि कम्पनीको आधिकारिक वेभसाईट र फेसबुक पेजमा जानु भई उल्लेखित QR Code  को Scan गरी फारम भर्नुपर्नेछ। आवश्यक सम्पूर्ण जानकारी कम्पनीको आधिकारिक सामाजिक संजालमा प्रकाशन गरिने बताइएको छ । 


Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved