.gif)
छोटो समयमै निर्यातको सम्भावना बोकेको सिमेन्ट उद्योगमा सरकारले गम्भिर ढंगलले अपनत्व लिन नसक्दा उद्योगहरु बन्द हुने अबस्थामा पुगेको सिमेन्ट उद्योगीहरुले बताउँदै आएका छन् ।
सिमेन्ट उद्योगहरुको स्थापनाकालमा सिमेन्टको खपत वृद्धि १२ देखि १६ प्रतिशतसम्म प्रतिवर्ष थियो। आजभन्दा २० वर्ष अगाडी क्लिङकरमा आधारित सिमेन्टको उत्पादन निजी क्षेत्रवाट शुरु भएको हो । त्यसको ५–७ वर्ष पछाडी चुनढुङ्गामा आधारित सिमेन्ट उद्योगहरुको शुरुवात भई १५–१६ वर्षको समयमा नै सिमेन्टमा आत्मनिर्भर भइ निर्यात गर्न समेत सक्षम भएको हो ।
नेपाल सिमेन्ट संघका अनुसार गत आर्थिक वर्ष २०८०\०८१ को चैत्र मसान्तसम्म करिब २ करोड ३५ लाख ३८ हजार ५७८ मे.टन सिमेन्ट र क्लिङकर निर्यात समेत गरेको तथ्यांक छ ।
पछिल्लो समय निजी क्षेत्रवाट वन्ने योजना आयोजनाहरुको निर्माणमा कमी आउँदा सिमेन्टको खपतमा कमि आई ८ देखि १० लाख टन मात्रै खपत हुन जादा अधिकांश सिमेन्ट उद्योगहरु धराशायी हुन पुगेको संघको भनाई छ ।
संघका अनुसार निर्माण क्षेत्रमा कमी आउँदा आधाभन्दा बढी उद्योग बन्द भएका र संचालनमा रहेका यस्ता सिमेन्ट उद्योगहरु समेत २० देखी २५ प्रतिशत क्षमतामा मात्रै संचालन भएका छन । त्यसैगरी चुनढुङ्गामा आधारीत उद्योगहरु ५० देखी ६० प्रतिशत क्षमतामा मात्रै संचालनमा रहेका संघको दाबी छ ।
भारत निकाशी समेत गरीरहेको वर्तमान अवस्थामा यस प्रकारले लगाईएको अतिरिक्त हरित करले गर्दा उद्योगहरुलाई थप आर्थिक भार पर्न जाने हुँदा उक्त कर खारेज गर्नुपर्ने संघको भनाई छ ।
चालु आर्थिक वर्ष २०८१\०८२ को वजेटवाट सिमेन्ट उद्योगहरुका लागी कच्चा पदार्थको रुपमा अति आवश्यक रहेको कोईलाको पैठारीमा लगाईएको हरित कर खारेज गर्नु पर्ने संघका अध्यक्ष रघुनन्द मारुले बताए । उनले भने,‘ निर्यातको संम्भावना बोकेको यस्तो क्षेत्रलाई सरकारले प्राथमिकतमा नराख्दा उद्योग नै बन्द गर्नेैअबस्थामा पुयौं ।’
