लक्ष्मी लघुवित्त Laxmi Laghubitta Bittiya Sanstha ले बेमौसमी तरकारी खेती तालिम प्रदान गरेको छ । कम्पनीले बझाङको चैनपुर, बैतडीको पाटन तथा अछामको साँफेबगर गरी ३ वटा शाखामा आवद्ध ग्राहकहरुलाई २ दिने बेमौसमी तरकारी खेती तालिम प्रदान गरेको हो।
माघ २७ गते देखि फाल्गुन ४ गते सम्म सञ्चालन भएको तालिममा व्यवसाय उन्मुख ६९ जना ग्राहकहरु सहभागी भएको कम्पनीले जनाएको छ। कम्पनीका अनुसार बेमौसमी तरकारी खेती सम्बन्धी सीप र क्षमतालाई अभिवृद्धि गरी स्वरोजगार सृजना गर्ने उद्देश्यका साथ उक्त तालिम आयोजना गरिएको हो।
लक्ष्मी लघुवित्तले कर्जा, बचत बाहेक लघुवीमा, विप्रेषण र वित्तीय साक्षरता संगै महिलाहरुलाई उद्यमशीलताको माध्यमबाट महिला सशक्तिकरणमा टेवा पु¥याउने उद्धेश्यले क्षमता अभिवृद्धि तथा सीप विकास सम्बन्धी तालिमहरु सञ्चालन गर्दै आएको जनाएको छ।