मिर्मिरे लघुवित्त Mirmire Laghubitta Bittiya Sanstha का प्रमुख कार्यकारी अधिकृत कुमार याक्सोले पदबाट राजिनामा दिएका छन् । याक्सोले पदबाट स्वेच्छिक अवकाश लिने भन्दै राजिनामा दिएका हुन् ।
कम्पनीको जेठ ११ गते बसेको संचालक समितिको बैठकले २०७८ असार १ गतेदेखि लागु हुने गरि उनको राजिनामा स्वीकृत गरेको छ ।
त्यस्तै जेठ २९ गते बसेको संचालक समितिको बैठकले राजेन्द्र प्रसाद न्यौपानेलाई असार १ गतेदेखि लागु हुने गरि निमित्त प्रमुख कार्यकारी अधिकृत नियुक्त गर्ने निर्णय गरेको छ । उनले दैनिक आर्थिक तथा प्रशासनिक कार्य संचालन गर्ने छन् । न्यौपाने हाल संस्थामा नायव प्रमुख कार्यकारी अधिकृतको रुपमा छन् ।
त्यस्तै कम्पनीको स्वतन्त्र संचालकमा प्रविण भट्टराई नियुक्त भएका छन् ।