ग्लोबल आइएमई लघुवित्त वित्तीय संस्था Global IME Laghubitta Bittiya Sanstha Limited ले आफ्ना सदस्यहरुलाई नगद सहयोग गरेको छ । संस्थाले देशका विभिन्न स्थानहरुमा भएको दैविक विपत्तीमा परेका आफ्ना सदस्यहरुलाई कुल रकम रु. ३१ लाख ६३ हजार ४५० सहयोग वितरण गरेको हो ।
जसमध्ये मनाङ र मेलम्चीको बाढी पहिरो बाट प्रभावित सदस्यहरुलाई ५ लाख १९ हजार तथा कोरोना भाईरसको संक्रमणबाट प्रभावित सदस्यहरुलाई औषधोपचार खर्च बापत रकम रु. २६ लाख ४४ हजार ४५० सहयोग वितरण भएको प्रमुख कार्यकारी अधिकृत हरिकृष्ण जोशीले जानकारी दिए ।
