समता लघुवित्त वित्तीय संस्थाले बाढी पीडितलाई राहत सामग्री सहयोग गरेको छ । संस्थाले असार १ गते साँझ मेलम्ची खोलामा आएको भिषण बाढीले हेलम्बु क्षेत्रका विस्थापित परिवारहरुलाई खाद्यान्न लगायत आवश्यक सामग्रीहरु सहयोग गरेको हो ।
चामल, दाल, तेल, नुन, सोयाविन, सावुन, सेनेटरी प्याड, त्रिपाल लगायतका सामग्रीहरु हेलम्वु गाउँपालिका, वडा नं. २ का वडाध्यक्ष छिरिङ गेल्बु लामालाई हस्तान्तरण गरिएको संस्थाले जनाएको छ । संस्थागत सामाजिक उत्तरदायित्व बहन गर्ने सन्र्दभमा बाढी प्रभावितहरुलाई यो विपत्तिको बेला थोरै भए पनि सहायता होस् भनेर राहत सामग्री सहयोग गरिएको वित्तीय संस्थाको प्रमुख कार्यकारी अधिकृत डा. मदन घिमिरेले बताए ।
