मिर्मिरे लघुवित्तको सीईओमा पुष्कर राज जोशी नियुक्त, २३ वर्षको बैंकिङ अनुभव

मिर्मिरे लघुवित्त वित्तीय संस्था Mirmire Laghubitta Bittiya Sanstha  को प्रमुख कार्यकारी अधिकृतमा पुष्कर राज जोशी नियुक्त भएका छन्। कम्पनीको २२१ औं सञ्चालक समितिको बैठकले उनलाई कार्तिक ८ गतेबाट लागु हुने गरि आगमी ४ वर्षको कार्यकालका लागि नियुक्त गरेको हो।

तत्कालिन प्रमुख कार्यकारी अधिकृत कुमार याक्सोले स्वेच्छिक अवकाश लिए पश्चात खालि रहेको पदमा जोशीलाई प्रमुख कार्यकारी अधिकृतको रुपमा संस्थाले नेतृत्व सम्हाल्ने जिम्मेवारी दिएको हो ।

बैंकिङ क्षेत्रमा एक अनुभवी बैंकर जोशीसँग कञ्चन डेभलपमेन्ट बैंक र  भार्गव विकास बैंकमा प्रमुख कार्यकारी अधिकृतको रुपमा कार्य गरेको अनुभव छ। जोशीले पछिल्लो समयमा साइन रेसुङ्गा डेभलपमेन्ट बैंकमा नायब प्रमुख कार्यकारी अधिकृतको जिम्मेवारी सम्हालेका थिए । जोशीसंग २३ वर्ष भन्दा लामो अवधिको बैंकिङ अनुभव रहेको छ।