एन आई सी एशिया लघुवित्तले माध्यमिक शिक्षा परिक्षा एसईईमा उत्कृष्ट गर्ने संस्थामा आबद्ध आफ्ना सेवाग्राही सदस्यका छोराछोरीलाई देशव्यापी रुपमै पुरस्कृत गरेको छ । संस्थाले २०७७ सालको माध्यमिक शिक्षा परिक्षामा सहभागी भई उतिर्ण गरेका सदस्यका छोराछोरीको देशव्यापी विवरण संकलन गरेर न्यून्तम ३ जीपिए वा सो भन्दा बढी ल्याउने सेवाग्राही सदस्यका छोराछोरीलाई पुरस्कृत गरेको हो ।
संस्थाले पुरस्कार वितरणका लागि आन्तरिक मापदण्ड बनाई २८५ वटै शाखा कार्यालयहरुबाट विवरण संकलन गरेको थियो ।त्यसको आधारमा शाखागत रुपमा बढि जीपीए ल्याई प्रथम, द्धितीय र तृतीय हुनेलाई र संकलित विवरणकै अधारमा देशव्यापी रुपमा पुनः प्रथम, द्धितीय र तृतीय हुनेलाई थप पुरस्कार रकम वितरण गरेको जनाएको छ ।
त्यसै अनुरुप शाखा कार्यालय गोकुलेशवर, डडेल्धुराकी सेवाग्राही सदस्य मानमति वोडको छोरा सन्तोष वोडले संस्थालाई विभिन्न शाखा कार्यालयहरुबाट प्राप्त विवरणको आधारमा देशव्यापी ३.७५ जीपीए ल्याई प्रथम भएकोले प्रथम पुरस्कार स्वरुप नगद रु. १७,५०० वितरण गरेको हो । त्यस्तै संस्थाले डडेल्धुराकै शाखा कार्यालयहरु भद्रपुरज्यामेरु, बैतडीको पाटन र मारोङ्गको इटहरामा पनि शाखागत उत्कृष्ट ल्याउने विधार्थीहरुलाई पुरस्कार वितरण गरेको छ । यसरी संस्थाले देशभरी नै एकै साथ कार्यक्रम आयोजना गरि छनोटमा पर्न सफल विभिन्न शाखा कार्यालका सेवाग्राही सदस्यका छोराछोरीहरुलाई पुरस्कार वितरण गरेको हो ।
