राष्ट्र उत्थान लघुवित्त वित्तीय संस्था लिमिटेडले महोत्तरीको एकडारा गाउँपालिकाका वडा न.३ भटौलियामा शाखा सञ्चालनमा ल्याएको छ । लघुवित्तको यो ९६ औं शाखा हो ।
७ वटै प्रदेशमा शाखा विस्तार गरिसकेको यस कम्पनीको सबैभन्दा धेरै शाखा भने २ नम्बर प्रदेशनमा रहेको छ । २ नम्बर प्रदेशमा कम्पनीको ३१ वटा शाखा छ । कम्पनीका कार्यकारी निर्देशक सुधिर प्रसाद लोहनीका अनुसार मधेश प्रदेशमा लघुवित्तहरु मध्ये राष्ट्र उत्थान लघुवित्त कै सबैभन्दा शशक्त उपस्थिति रहेको छ । कम्पनीको केन्द्रिय कार्यालय भने काभ्रेको बनेपामा रहेको छ ।
राष्ट्र उत्थान लघुवित्त वित्तीय संस्था लिमिटेडले प्रति कित्ता १ सय रुपैयाँका दरले आगामी फागुन ४ देखि फागुन ८ सम्मको लागि ८ करोड ५० लाख रुपैयाँ बराबरको ८ लाख ५० हजार कित्ता आइपीओ निष्काशन गर्दै छ ।