लघुवित्त सङ्घ नेपालले गैर बैंकिङ संस्थाबाट पनि लघुवित्तले कर्जा लिन पाउने ब्यवस्था गर्न माग गरेको छ । आगामी मौद्रिक नीतिको लागि नेपाल राष्ट्र बैंकले आयोजना गरेको सुझाव संकलन कार्यक्रममा संघका अध्यक्ष जगत पोखरेलले गैर बैंकिङ संस्थाबाट पनि लघुवित्तले कर्जा लिन पाउने ब्यवस्था गर्न सुझाव दिएका हुन् ।
बैंकहरुबाट कर्जा लिंदा लागत बढेको भन्दै उनले गैर बैंकिङ संस्थाबाट पनि लघुवित्तले कर्जा लिन सक्ने ब्यबस्था गरिदिन राष्ट्र बैंकलाई आग्रह गरेका हुन् । त्यस्तै उनले क्रस होल्डिङ रहेका लघुबित्तलाई मर्जमा जाने ब्यबस्था गर्न पनि सुझाव दिएका छन् ।
लघुबित्त कोष लागु हुने गरि मौद्रिक नीतिले सम्बोधन गर्नु पर्ने उनको भनाई छ।
