विवादमा मुछिएको सुपर लघुवित्तबाट निरौलाले दिए राजिनामा

बिजपाटी संवाददाता

बिजपाटी संवाददाता

Aug 05, 2022 | 01:05:52 PM मा प्रकाशित

ntc

सुपर लघुवित्तका निमित्त प्रमुख कार्यकारी अधिकृत तथा कम्पनी सचिव मधुसुदन निरौलाले पदबाट राजिनामा दिएका छन् ।  उनले आज साउन २० गते संचालक समितिमा राजिनामा पत्र पेश गरेका छन् । 

उनले विशेष घरायसी कारणले गर्दा कार्यालयमा समय दिन नसक्ने भएको र अवकाश लिने निर्णय गरेकोले संस्थाको कुनै पनि पदमा बहाल नरहने गरि राजिनामा दिएका हुन् । उनले संस्थाको नियम अनुसार १ महिनाको समय राखेर भदौ २० गतेबाट लागु हुने गरि राजिनामा स्वीकृतिको लागि पेश गरेका हुन् । 

सुपर लघुवित्तमा घोटाला भएपछि प्रहरीले  कम्पनीका कामु सीईओ बुद्धिराम चौधरीलाई पक्राउ गरेको हो । कामु सीइओ पक्राउ परेपछि कम्पनीले जेठ २७ बाट लागु हुने गरि त्यस समय कम्पनीमा बरिष्ठ कर्मचारी रहेका निरौलालाई कम्पनी सचिव र  निमित्त प्रमुख कार्यकारी अधिकृतको जिम्मेवारी दिने निर्णय गरेको थियो । 

तर चौधरी रिहा भएर आएपछि निरौलाले राजिनामा दिएका हुन् । 

लघुवित्त वित्तीय संस्थाको मान्यता पाउनु अगाडि अर्थात नेपाल राष्ट्र बैंकबाट सिमित बैंकिङ कारोबारको अनुमति पाउँदा नै नक्कली ऋणी खडा गरी कर्जा प्रवाह गरिएको अनुसन्धानको क्रममा खुलेको नेपाल राष्ट्र बैंकले जनाएको छ । सीमित बैंकिङ कारोबारको अनुमति पाएपछि नै सुपर लघुवित्तमा यस्तो घोटाला भएको र घोटालाकै बीचमा उक्त संस्थाले २०७६ सालमा लघुवित्त वित्तीय संस्थाको रुपमा अनुमति पाएको हो ।

संस्थाका अध्यक्ष सहित अन्य जिम्मेवार व्यक्ति अझै फरार छन्  । 

यस अघि  : चुक्ता पूँजी २ करोड रहेको सुपर लघुवित्तमा २२ करोडको ‘सुपर’ घोटाला


Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved