डिप्रोक्स लघुवित्तले आदर्श लघुवित्तलाई गाभेपछि २०८० साल असार १ गतेदेखि एकिकृत कारोबार गर्ने भएको छ । डिप्रोक्स लघुवित्त वित्तीय संस्था लिमिटेडको नामबाट एकिकृत कारोबार हुने भएको हो ।
दुवै लघुवित्तको गत फागुन ३० गते सम्पन्न साधारणसभाले मर्जर तथा प्राप्ति प्रस्ताव पारित गरेको थियो । नेपाल राष्ट्र बैंकले गत जेठ ३ गते मर्जर तथा प्राप्तिको लागि अन्तिम स्वीकृति दिएको थियो ।
डिप्रोक्सले आदर्शलाई १:१ को स्वापमा गाभेको हो । चितवनमा केन्द्रिय कार्यालय रहेको डिप्रोक्स लघुवित्त २०५७ पौष २८ गतेमा दर्ता भई २०५८ आषाढ १९ गते कारोबार थालेको घ बर्गको लघुवित्त हो भने बागमती प्रदेश, काभ्रेपलाञ्चोक जिल्ला, बनेपा नगरपालिकामा केन्द्रिय कार्यलय रहेको आदर्श लघुवित्त २०७५ जेष्ठ ९ गतेमा दर्ता भई २०७५ कार्तिक २५ गते कारोबारमा आएको संस्था हो।
मर्जरपछि बन्ने डिप्रोक्स लघुवित्तको केन्द्रीय कार्यालय चितवनको भरतपुरमा रहने छ ।
