ब्रोकरहरु किन माग्दैछन् लगानीकर्ताको प्यान कार्डको विवरण ?

बिजपाटी संवाददाता

बिजपाटी संवाददाता

Aug 17, 2020 | 01:46:51 PM मा प्रकाशित

laxmi  sunrise bank

ब्रोकर कम्पनीहरुले लगानीकर्तालाई स्थायी लेखा नम्बर अर्थात प्यान नम्बर बुझाउन आग्रह गरेका छन् । कम्पनीहरुले प्यान प्रमाणपत्रको प्रतिलिपिमा स्पष्ट बुझिने गरि प्यान नम्बर उल्लेख गरी प्रतिलिपिमा हस्ताक्षर गरेर प्रमाणित गरी बुझाउन आग्रह गरेका हुन् 

शेयर बिक्रि गर्दा तिर्नु पर्ने पुँजीगत लाभकर तथा अन्य कर सम्बन्धी विवरण प्यानमा ETDS को माध्यमबाट फाईलिङ गर्नको लागि सिडीएसको अनुरोधमा ब्रोकरहरुले प्यान विवरण माग गरेका हुन् । प्यान उपलब्ध गराएपछि उक्त नम्बर राफसाफ प्रणाली तथा डिम्याट खातासंग आवद्द गरिने छ । 

यसो गर्दा लगानीकर्ताले तिरेको पुँजीगत लाभगत प्यानको विवरणमा देखिने छ । यसबाट कर तिरेको प्रमाण थप ब्यबस्थित हुने छ । 

सिडीएसका अनुसार यो नयाँ ब्यबस्था नभई पुरानै ब्यबस्था हो । लगानीकर्तालाई कर चुक्ता प्रमाणपत्र लिन सहज होस् भन्ने हेतुले यो कार्य सुरु गरिएको सिडीएसका प्रबक्ता सुरेश न्यौपाने बताउछन् । यस अघि कुनै लगानीकर्ताले कर चुक्ता प्रमाणपत्र लिनु परे झन्झटिलो प्रक्रिया रहेकोमा यो ब्यबस्थापछि लगानीकर्ताले सहजै कर चुक्ता प्रमाणपत्र पाउने छन् । उनका अनुसार अब आन्तरिक राजश्व कार्यालयमा प्यान नम्बर र क्लाइन्ट कोड लिएर गएपछि सहजै कर चुक्ता प्रमाणपत्र हुने छ । त्यसमा आफुले तिरेको करको विवरण पनि समावेश हुने छ 

हाल ५ लाख भन्दा बढीको शेयर कारोबार गर्द  प्यान अनिवार्य छ । तर सो भन्दा कम कारोबार गर्ने लगानीकर्ताले पनि आफ्नो प्यान नम्बर ब्रोकरको प्रणालीमा समावेश गरेमा कर चुक्ता प्रमाणपत्र लिन सहज हुने सिडीएसको भनाई छ । 

Share Your Thoughts

Recent News


Main News

TRENDING

Close in 7


Bizpati.com © 2020. All Rights Reserved