नेपाल पुँजी बजार विकास अभियानका संयोजक तिलक कोइरालाको नेतृत्वमा जारी आमरण आमशन आजबाट तोडिएको छ । नेपाल स्टक एक्सचेन्ज (नेप्से) कार्यालय अगाडि आइतबारबाट आमरण अनशनमा बसेका कोइरालाले बुधबार नेपाल धितोपत्र बोर्डका अध्यक्ष भिष्मराज ढुंगानाको हातबाट जुस पिएर अनशन तोडेका हुन् ।
कोइरालाको माग सम्बोधन गर्न बोर्डका अध्यक्ष ढुंगानाले पहल गर्ने आश्वासन दिएपछि उनले अनशन तोडेका हुन् । अनशनलाई लगानीकर्ताका विभिन्न संघ संगठनहरुले अनशन स्थलमै पुगेर समर्थन गरेका थिए ।