बजार अनुगमनलाई तिब्र बनाउँदै वाणिज्य विभाग, ९७३ फर्मलाई जरिवाना

बिजपाटी संवाददाता

बिजपाटी संवाददाता

May 23, 2024 | 02:07:28 PM मा प्रकाशित

laxmi  sunrise bank

वाणिज्य, आपूर्ति तथा उपभोक्ता संरक्षण विभागले  बजार अनुगमनलाई तिब्रता दिंदै आएको छ ।  

विभागले एक वर्षको अवधिमा विभागले ४ हजार २६० वटा अनुगमन गरको छ । अनुगमन  गर्दा विभागले ९७३ वटा फर्मलाई जरिवाना गरेको छ  ।

 जसबाट  विभागले  ३ करोड ६३ लाख ५८ हजार रुपैयाँ जरिवाना असल गरेको छ ।  विभागले जेठ महिना यतामात्र विभिन्न प्रकारका विभिन्न स्थानमा ५५ वटा अनुगमन गरिसकेको  छ । 

विभागलले नियमित बजार अनुगमनको क्रममा व्यवसायी, फर्म, संस्था, कम्पनी,  कारोबार स्थल, उत्पादनस्थल र गोदामस्थलमा निगरानी  गर्ने गरेको छ  । यसका साथै विभागले  १ हजार १३६ जनासँग कारोबारबारे थप कागजात पनि माग गरेको छ ।  

उपभोक्ताको स्वास्थ्य, दैनिकी र मूल्यवृद्धिलाई ध्यानमा राख्र्दै विभागले चाडपर्वमा मात्र नभई अन्य समयमा पनि नियमित  रुपमा बजार अनुगमन गर्ने गरेको छ ।

वाणिज्य, आपूर्ति तथा उपभोक्ता संरक्षण विभागका निर्देशक आनन्दराज पोखरेलले उपभोक्ताको हित र संरक्षण नै पहिलो प्राथमिकता भएको बताए ।  

उनले भने “कति पय म्याद सकिएको सामानहरु पनि बजारमा धेरैजसो बिक्री हुने गरेको पाइयो, जसले उपभोक्ताहरुको स्वास्थ्यलाई गम्भिर असर पुरयाइरहेको हुन्छ ।  त्यहि कारण पनि बजार अनुगमनलाई जारी राखेका हौं ।” 

विभागको तथ्यांक अनुसार कानून विपरित कार्य गर्ने २४१ वटा खाद्य क्षेत्रसँग सम्बन्धित उद्योग तथा फर्मलाई जरिवाना तिराइएको छ । त्यस्तै विभागले १०२ रेडिमेड तथा थान कपडा, ६४ वटा किराना पसल, ५७ वटा होटल तथा रेष्टुरेन्ट, ६० वटा  तरकारी तथा फलफूल  फर्ममा पनि अनुगमन गरि जरिवाना तिराएको छ । 

एक वर्षको अवधिमा १ हजार १३६ वटा संस्थानलाई अनुगमनको क्रममा कागजात माग गरिएको छ ।  त्यस्तै विभागले १ करोड २४ लाख ५० हजार रुपैयाँ बराबरको ८१ वटा वस्तुहरु नष्ट गरेको छ । 

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved