शेरबहादुर देउवा नेतृत्वको सरकारमा मन्त्री बन्ने विषयलाई लिएर सत्तारूढ दलभित्र भाँडभैलो मच्चिएको छ । यस्तै अवस्था प्रधानमन्त्री निर्वाचनमा उनलाई मत दिएका अन्य दलमा पनि देखिएको छ ।
सबै दलमा मन्त्री हुने आकांक्षी बढी भएकाले विवाद टुंग्याउन नसक्दा प्रधानमन्त्री देउवाले सुरूमा ८ सदस्यीय मन्त्रिमण्डल मात्र बनाएका छन् ।
स्रोतका अनुसार देउवाले दोस्रो चरणको चुनावअघि केही मन्त्री थप्ने सोँच बनाएका छन् तर, सरकारमा कसकसलाई थप्ने भन्नेबारे सत्तासिन दलभित्रै भाँडभैलो उत्पन्न भएको छ ।
सत्तारूढ दल नेपाली कांग्रेस र माओवादी केन्द्रमा मात्र नभइ फोरम लोकतान्त्रिक र राप्रपा भित्र पनि मन्त्री छान्ने विषयमा विवाद उत्पन्न भएको छ । नागरिक दैनिकमा भुवन शर्माले खबर लेखेका छन् ।
