काठमाडौ । तेस्रो मुलुकबाट आयात गरिने सामान ढुवानीका लागि प्रयोग हुने भारतको कोलकाता बन्दरगाहबाट बारम्बार सास्ती बेहोर्दै आएका आयातकर्ताको समस्या झन् बढ्दै गएको छ । यसले नेपाली आयातकर्ता मारमा परेका छन् । दसै नजिकिदै जाँदा उपभोक्ता पनि मारमा पर्ने सम्भावना देखिएको छ ।
६२८ कन्टेनर बन्दरगाहमै
साउनको अन्तिमसाता आएको बाढीका कारण रेलवे सेवाबाट ढुवानी बन्द हुँदा रोकिएको छ सय २८ कन्टेनर अझै कोलकाता बन्दरगाहमा रोकिएको नेपाल उद्योग वाणिज्य महासंघका कार्यकारिणी समिति सदस्य गणेश लाठले बताए । रेल सेवा बन्द भएपछि थुप्रिएको कन्टेनर रेल र्याक उपलब्ध नहुँदा ढुवानी हुन नसकेको हो ।
कङ्करको ढिलासुस्ती
कोलकातबाट ढुवानीको जिम्मा पाएको भारतीय रेलवेको भगिनी संस्था कङ्करको ढिलासुस्तीका कारण पनि आयातकर्ताहरुले अतिरिक्त शुल्क तिर्नुपर्ने बाध्यता रहेको छ । यसले दसैको मुखमा बजारमा महँगी बढ्ने देखिएको छ ।
