वल्र्डरेमिट बाट खल्ती खातामा पैसा प्राप्त गर्दा २०० बोनस पाइने

बिजपाटी संवाददाता

बिजपाटी संवाददाता

Jul 01, 2021 | 05:28:53 PM मा प्रकाशित

laxmi  sunrise bank

अनलाइन पेमेन्ट सेवा प्रदायक कम्पनी खल्तीले वल्र्डरेमिट बाट पैसा पठाउदा खल्तीको खातामा सिधै पैसा प्राप्त गर्न सकिने सुविधा ल्याएको छ । उक्त सुविधा अन्तर्गत पठाइएको रकम खल्तीबाट प्राप्त गर्ने व्यक्तिले रू. २०० बोनस पाउनेछन् । 

वल्र्डरेमिट सँगको यस सहकार्यले चौबिसै घण्टा ७० भन्दा बढी राष्ट्रहरुबाट नेपालमा रहेको व्यक्तिको खल्ती खातामा चाहे जति रकम सजिलै प्राप्त गर्न सकिने बनाएको छ । प्राप्त गर्ने व्यक्तिले खल्ती आइडी बनाइ केवाइसी भेरिफाइ भने गराएको हुनुपर्ने छ । खल्तीमा पैसा पठाए पश्चात केहि नगरी पैसा र बोनस स्वतः दुवै खल्तीमा लोड हुने र यसको विवरण खल्ती एप को ट्रान्सेक्सनमा गइ सहजै हेर्न सकिनेछ । 

उक्त सम्झौता सम्बन्धि खल्ती डिजिटल वालेटको रेमिट्यान्स विभाग प्रमुख, सौरभ राज पाण्डे बताउछन् “हामी डिजिटल प्लेटफर्ममार्फत हाम्रो ग्राहकहरुको आवस्यकता पुर्ति गर्न प्रतिबद्ध छौँ । हामीलाई विश्वास छ वर्ल्डरेमिट सँगको यो सहकार्यले संसारको जुनसुकै ठाउँबाट निर्वाद रुपमा सरल र झन्झटरहित तवरले पैसा पठाउन, पाउन, र व्यवसायलाइ झन्झटरहित तवरले अनलाइन भुक्तानी गर्न थप मद्दत मिल्नेछ । भरपर्दो, सस्तो, र छिटो सेवा भएकोले यो माध्यम धेरैको रोजाइमा पर्ने विश्वास हामीले राखेका छौँ“। 

वल्र्डरेमिटका दक्षिण एशिया को लागि कन्ट्री डाईरेक्टर रुजान अहमद ले भने, “खल्ती सँगको यस सम्झौताले अब ग्राहकहरुलाई सहजै आफ्नो परिवार तथा आफन्तलाई पैसा पठाउन सजिलो बनाएको छ । हरेक समुदायहरुलाई वित्तीय सेवाको पहुँच दिलाइ आर्थिक समावेशीकरणको अभियानलाई प्रवर्धन गर्ने नेपालकै एक उदयमान डिजिटल वालेट, खल्ती संग सहकार्य गर्न पाउदा हामी उत्साहित छौँ । हामी विश्वस्त छौँ कि यो सेवा ले विदेशबाट पठाईएको रकम नेपालमा खल्ती मार्फत प्राप्त गर्न धेरै सहज हुनेछ ”।

वल्र्डरेमिटबाट खल्ती मा पैसा पठाउनको लागि भने WorldRemit एप लग इन गरि सेन्ड मनि मा ट्याप गर्ने, गन्तव्यमा नेपाल रोजी पठाउन चाहेको कुल रकम दाखिला गर्ने अनि अन्त्यमा मोबाइल मनी ट्रान्फर भित्र खल्ती मोबाइल वालेट छानी पाउने व्यक्तिको सम्पुर्ण विवरण भरी पठाउन सकिन्छ ।



Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved