एफवान सफ्ट ग्रुपद्वारा आयोजित ‘बैंकर्स मिटअप २०२५’ भव्य रूपमा सम्पन्न भएको छ। एफवान सफ्ट इन्टरनेशनल, फोनपे र ईसेवाको सहकार्यमा आयोजित यो वार्षिक कार्यक्रमले नेपालका अग्रणी बैंक तथा वित्तीय संस्थाका प्रमुख कार्यकारी अधिकृत (सीईओ) र वरिष्ठ प्रतिनिधिहरूलाई एउटै मंचमा ल्याएको थियो।
ललितपुरस्थित द प्लाजा होटलमा सम्पन्न मिटअपले डिजिटल भुक्तानी प्रणाली, कृत्रिम बुद्धिमत्ता, ओपन बैंकिङ्ग, डाटा प्रवाह र भविष्यका प्रविधिहरूबारे विश्लेषणात्मक छलफलहरू प्रस्तुत गर्यो। कार्यक्रममा एफवान सफ्टले आफ्नो नयाँ डिजिटल अनबोर्डिङ प्लेटफर्म, फोनपेले ओपन बैंकिङ र ब्लकचेनमार्फत ‘खाता सङ्कलक’ सेवा र ईसेवाले एजेन्टिक एआई प्रविधिमा आधारित स्मार्ट फाइनान्स सहायक सार्वजनिक गरे।
यसपटकको मिटअपमा विशेष वक्ताको रूपमा आमन्त्रित माइकल क्लार्क—जसको मास्टरकार्ड र जेपी मोर्गनमा नेतृत्व अनुभव छ—ले प्रविधि, नीति र ग्राहक व्यवहारबीचको सन्तुलनमार्फत ‘बौद्धिक परिवर्तन’ को खाका प्रस्तुत गरे। क्लार्कका अनुसार बैंकिङको भविष्य डेटा, इन्टेलिजेन्स र समावेशीतामा आधारित हुनेछ।
एफवान सफ्ट ग्रुपका अध्यक्ष सिद्धान्त ठकुरीले कार्यक्रममा जोड दिँदै भने, “अबको बैंकिङ केवल प्रविधिमा सीमित छैन, यो सहकार्य र सोचको नयाँ ढंग हो।” कार्यक्रममा सहभागीहरूले ‘एक्सपेरिएन्स जोन’ मा प्रविधिको प्रत्यक्ष अनुभव लिएका थिए।
दुई दशकभन्दा लामो अनुभव बोकेको एफवान सफ्ट ग्रुपले अब २३ मिलियनभन्दा बढी प्रयोगकर्ता र ६० वित्तीय संस्थाहरूसँग सहकार्य गरिरहेको छ। कम्पनीको दीर्घकालीन उद्देश्य भनेको नेपालको डिजिटल वित्तीय क्रान्तिलाई अन्तर्राष्ट्रिय स्तरमा विस्तार गर्नु हो।
.gif)
.gif)
