नेपाल पेट्रोलियम डिलर्स एशोसिएसनको ४२ औं साधारणसभा आज शुक्रबारबाट सुरु भएको छ । साधारणसभाले एशोसिएसनको आगामीनेतृत्व पनि चयन गर्ने भएकाले दावेदारहरु आ–आफ्नै रणनीतिमा छन् ।
उद्योग वाणिज्य तथा आपूर्तिमन्त्री लेखराज भट्टले एशोसिएसनको साधारणसभाको उद्घाटन गरेका छन् । आज दिउँसो २ बजेबाट बन्दसत्र सुरु हुनेछ । शनिबार बिहान ७ बजेबाट उम्मेदवारी दर्ता र शनिबार दिउँसो १२ः३० बजेबाट मतदान सुरु हुनेछ ।
अध्यक्ष पदका लागि लिलेन्द्र प्रसाद प्रधान र नवीन श्रेष्ठ प्यानलसहित चुनावी मैदानमा छन् । वर्तमान अध्यक्षसमेत रहेका प्रधान अध्यक्षमा दोहोरिन चाहेका छन् ।
एशोसियसनको महासचिवमा प्रधान प्यानलबाट विश्व अर्याल र श्रेष्ठ प्यानलबाट आत्माराम थापाबीच प्रतिस्पर्धा हुँदैछ । कोषाध्यक्षमा प्रधान समूहबाट चतुर्भुज सरिया र श्रेष्ठ समूहबाट अच्युत बहादुर खड्काको उम्मेदवारी परेको छ ।