पञ्चकन्या ग्रुपका अध्यक्ष प्रेम बहादुर श्रेष्ठले नेपाललाई वर्तमान समयमा राष्ट्रपति प्रणाली र विज्ञ मन्त्रीको आवश्यकता भएको बताएका छन् । नेपाल चेम्बर अफ कमर्सको ७० औँ साधारण सभामा बोल्दै ९० वर्ष पुगेका अध्यक्ष श्रेष्ठले नेपालमा व्यवस्थाको कमजोरी भएको र यसको समाधानका लागि अबको चुनाबमा प्रत्यक्ष राष्ट्रपतिको चुनाव गरी तीन करोड नेपाली जनताबाट छानेर विज्ञ मन्त्री राख्न पाउने व्यवस्था गर्नुपर्ने बताएका हुन् ।
यसो हुँदा नेपालको करिब ५० प्रतिशत भ्रष्टाचार कम हुने भन्दै त्यस्तो ब्यबस्था गर्न प्रधानमन्त्री केपी शर्मा ओली समक्ष आग्रह गरेका हुन् । उनले प्रधानमन्त्री ओलीलाई छुट्टै विकास बजेट छुट्याएर बजेट बिनियोजन गर्न आग्रह गरेका छन् । त्यसो हुँदा आफुले एक सालमा करिब १ अर्ब रुपैँया आम्दानी गर्न सक्ने उनको भनाई थियो।
साधारणसभामा चेम्बरले श्रेष्ठलाई लाइफ टाइम एचिभमेन्ट अवार्डबाट सम्मानित गरेको छ।