महिला चेम्बरको आयोजनामा व्यापार मेला सुरू भएको छ । नेपाल चेम्बर अफ कमर्श अन्तर्गतको नेपाल महिला चेम्बरले दशैँ र तिहार लक्षित व्यापार मेला सुरू गरेको हो ।
महिला चेम्बरकी अध्यक्ष उर्मिला श्रेष्ठका अनुसार कोरोनाका कारण सुस्ताएको व्यवसायलाई बढाउन सहयोग गर्ने उदेश्यले मेला आयोजना गरिएको हो । मेलामा नेपालमा उत्पादित कृषि, कपडा, मैन बत्ती र अन्य उपभोग्य वस्तुहरू प्रदर्शनीमा राखिएका छन् ।
नेपाल चेम्बर अफ कमर्शका अध्यक्ष राजेन्द्र मल्लले उद्घाटन गरेको मेला कमलपोखरीस्थित सिटिसेन्टरमा १५ दिनसम्म चल्नेछ ।
