नेपाल पुस्तक तथा स्टेसनरी व्यवसायी महासंघको अध्यक्षमा सञ्जयकुमार चौधरी निर्वाचित भएका छन् । चितवनको सौराहामा बिहीबार सम्पन्न महासंघको छैठौँ अधिवेशनबाट चौधरी निर्वाचित भएका हुन् ।
अध्यक्षमा विजयी भएका चौधरीले २६९ मत प्राप्त गरे । अर्का उम्मेदवार नवराज ढकालले १७१ मत पाउँदा मातृका शिवाकोटीले ३५ मत मात्रै प्राप्त गरे ।
महासंघको वरिष्ठ उपाध्यक्षमा दिवाकर घिमिरे, उपाध्यक्षमा किरणकुमार खनाल, पुष्पराज पौडेल र सञ्जीव सत्याल निर्वाचित भएका छन् ।
महासचिवमा शिवसागर शर्मा निर्विरोध हुँदा उपमहासचिवमा यमलाल लोहनी निर्वाचित भएका छन् । त्यसैगरी सचिवमा विष्णुप्रसाद पौडेल, बुद्धिप्रसाद अधिकारी र शकुन्तलादेवी शर्मा निर्वाचित भएका छन् ।
कोषाध्यक्षमा गोविन्द महर्जन, सहकोषाध्यक्षमा किरणबाबु न्यौपाने, लेखा समिति संयोजकमा वाशुप्रसाद भेटुवाल, लेखासमिति सदस्यमा बुद्धिसागर कँडेल र वाशु न्यौपाने निर्वाचित भएका छन् ।
नयाँ कार्यसमितिको कार्यकाल दुई वर्षको हुनेछ ।
