नेपाली युवा उद्यमी मञ्चमा नयाँ नेतृत्व आएको छ । काठमाडौँमा सम्पन्न १८औँ साधारणसभाले रितेश लामिछानेको अध्यक्षतामा नयाँ कार्यसमिति चयन गरेको हो ।
प्रथम उपाध्यक्षसहारा जोशी, द्वितीय उपाध्यक्ष कुशल सुन्दर श्रेष्ठ र महिला उपाध्यक्षमा निभिता प्रधान चयन भएका छन् ।
कार्यकारी सदस्यहरुमा सुदिप घिमिरे, ऋचा श्रेष्ठ, कृष्ण सापकोटा, पवित्रा गौतम, आभुषण ज्योति कंसाकार र पुनित बैद्य चुनिएका छन् ।
नव निर्वाचित अध्यक्ष रितेश लामिछानेले यस वर्ष सम्पूर्ण च्याप्टरहरु लगायत काठमाडौँमा बृहत ‘मेड ईन नेपाल’ प्रदर्शनी गर्ने प्रतिवद्धता जनाएका छन् ।
उद्योग वाणिज्य तथा आपुर्ति मन्त्री दिलेन्द्र प्रसाद बडूले उद्घाटन गरेको कार्यक्रममा नेपाल उद्योग वाणिज्य महासंघका वरिष्ठ उपाध्यक्ष चन्द्र प्रसाद ढकाल, नेपाल सुन्दरी प्रियन्का रानी जोशी लगातयको उपस्थिती थियो ।
