नेपाल उद्योग वाणिज्य संघ काठमाडौँको अगुवाइमा आज माइतीघरमा उद्योगी व्यवसायीहरुले मौन विरोध प्रदर्शन गरेका छन् ।
बैंकहरुले मनलाग्दी ब्याज बढाएको र उद्योगी व्यवसायीहरु पलायन हुने बाध्यात्मक अवस्था आउन लागेको भन्दै उद्योग वाणिज्य संघ काठमाडौँको अगुवाइमा काठमाडौँ उपत्यका भित्र र बाहिरका उपलब्ध जिल्ला उद्योग वाणिज्य संघहरु र विभिन्न बस्तुगत संघहरुको उपस्थितीमा उनीहरुले मौन विरोध प्रदर्शन गरेका हुन् ।
प्रदर्शनमा उत्रिएका उद्योगी व्यवसायीहरुले बैंकिङ आतंक बन्द गर्, चालु पूँजी कर्जा निर्देशिका स्थगित गर, ब्याजदरमा स्थिरता कायम गर्, मनपरी प्रिमियम बन्द गर् लगायतका नारा लेखिएका प्ले कार्ड बोकेका थिए ।
आजको मौन विरोध प्रदर्शनको नेतृत्व गरेका उद्योग वाणिज्य महासंघका उपाध्यक्ष एवम् काठमाडौँ जिल्ला उद्योग वाणिज्य संघका अध्यक्ष दिनेश श्रेष्ठले अर्थ मन्त्रालय र राष्ट्र बैंकले अब पनि माग सम्बोधन नगरे पुनः देशब्यापी आन्दोलन हुने र यसको जिम्मेवारी सम्बन्धित निकायले नै लिनुपर्ने चेतावनी दिए ।
तस्बिरहरुः
