आज आइतबार प्रतिनिधिसभा र प्रदेशसभाको निर्वाचन भइरहेको छ ।
उद्योगी व्यवसायी पनि निर्वाचनमा सहभागी भएका छन् । हरेक पाँच पाँच वर्षमा हुने निर्वाचनले मुलुकलाई कुन बाटोमा हिडाउने भन्ने तय गर्ने भएकाले आफ्ना कर्मचारी तथा मजदूरहरुलाई निर्वाचनमा सहभागी हुन निजी क्षेत्रले अनुरोध नै गरेको छ ।
उद्योगधन्दाहरु बन्द गरेर कर्मचारी तथा मजदुरहरुलाई बिदा पनि दिएका छन् ।
आज नेपाल उद्योग वाणिज्य महासंघका अध्यक्ष तथा गोल्छा अर्गनाइजेशनका प्रमुख शेखर गोल्छाले काठमाडौँ सीतापाइला मा.वि. मतदान केन्द्रबाट मतदान गरेका छन् ।
महासंघको निवर्तमान अध्यक्ष पशुपति मुरारकाले थापाथली मतदान केन्द्रबाट मतदान गरेका छन्।
महासंघका वरिष्ठ उपाधयक्ष चन्द्र ढकालले काठमाडौँ विशालनगरबाट मतदान गरेका छन् ।