नेपाल उद्योग वाणिज्य महासंघका अध्यक्ष शेखर गोल्छाले अर्थ मन्त्रालयमा अर्थतन्त्र बुझेको तथा अर्थशास्त्र पढेको विज्ञ व्यक्ति अर्थमन्त्रीको रुपमा आउनु पर्ने बताएका छन् । राष्ट्रिय स्वतन्त्र पार्टीका सांसदहरुसँग अर्थतन्त्रबारे गरिएको अन्तरक्रिया कार्यक्रममा अध्यक्ष गोल्छाले अर्थतन्त्र जटिल अवस्थामा रहेकोले अब अर्थ मन्त्रालयमा विज्ञ अर्थमन्त्री आउनु पर्ने बताएका हुन् ।
उनले मन्त्रालयको टिममा पनि विज्ञ व्यक्ति नै हुनु पर्ने र अर्थमन्त्रीको सचिवदेखि सचिवालयको टिम सबै विज्ञ हुनुपर्ने बताए । उनले भने 'अर्थ मन्त्रालयमा अर्थतन्त्र बुझेका र पढेका अर्थशास्त्रकै क्याडर आउनु पर्छ , अर्थमन्त्री हुने मान्छे विज्ञ चाहिन्छ , टिम पनि विज्ञकै राख्नुपर्छ, सचिवदेखि सचिवालयको टिम सबै विज्ञ हुनुपर्छ ।'
अर्थतन्त्रका समस्या तथा समाधानका विषयमा राष्ट्रिय स्वतन्त्र पार्टीका सांसदहरुसँग महासंघले अन्तरक्रिया गरेको हो ।
यो पनि : गगनलाई अर्थमन्त्री बनाउने प्रचण्डको चाहना, देउवा र आरजुको नजर अन्तै