सोल्टी होटलले १० प्रतिशत बोनस सेयर र १६.३१ प्रतिशत नगद लाभंश बितरण गर्ने प्रस्ताव गरेको छ । होटलको बिहिबार बसेको संचालक समितिको बैठकले गत बर्षको मुनाफाबाट लगानीकर्तालाई १० प्रतिशतले हुन् आउने ६६ लाख ६० हजार ६ सय ३७ कित्ता बोनस शेयर दिने प्रस्ताव गरेको हो । त्यस्तै बोनस शेयरमा लाग्ने कर प्रयोजनको लागि कम्पनीले १६.३१ प्रतिशतले हुन् आउने १० करोड ८६ लाख ७३ हजार ५ सय ५८ रुपैयाँ नगद लाभांश प्रस्ताव गरेको हो ।
होटलले लाभांस प्रस्ताव पारित गराउनका लागि आगामी पुस २६ गतेका लागि साधारण सभा समेत आह्वान गरेको छ । साधारण सभा प्रयोजनका लागि होटलले मंसिर २६ देखि पुस २६ गतेसम्म सेयरधनी दर्ता पुस्तिका बन्द गर्ने जनाएको छ ।
चुक्ता पुँजी ६६ करोड ६० लाख रहेको होटलको बोनस बितरण पश्चात चुक्ता पूँजी ७३ करोड २६ लाख पुग्नेछ । कम्पनीको साधारणसभाले पारित गरेपछि लगानीकर्ताले लाभांश पाउने छन् ।
