![laxmi sunrise bank](https://bizpati.com/../uploads/bannerads/290-4-Product-ad-GIF_300x200px.gif)
प्रभु बैंक Prabhu Bank Limited को लाभांश पारित भएको छ । बैंकको आज सम्पन्न साधारणसभाले ८ प्रतिशत बोनश पारित गरेको हो। त्यस्तै साधारणसभाले संस्थापक समुह तर्फ ५५ प्रतिशत र सर्वसाधारण समूह तर्फ ४५ प्रतिशत कायम हुने गरी बैंकको जारी तथा चुक्ता पूँजीको संरचना परिवर्तन गरेको छ । यस अघि संस्थापक र सर्वसाधारणको शेयर अनुपात ६१.३१ र ३८.६९ प्रतिशत रहेको थियो। त्यस्तै साधारण सभाले अन्य बैंक तथा वित्तीय संस्थाहरु एक्विजिशन (प्राप्ति) तथा खरिद सम्बन्धी कार्यको लागि आवश्यक निर्णय गर्ने अख्तियारी सञ्चालक समितिलाई प्रदान गरेको छ ।
८ प्रतिशत बोनश शेयर वितरणपछि बैंकको जारी तथा चुक्ता पूँजी ८ अर्ब ८९ करोड २६ लाख ७८ हजार ९ सय रुपैयाँ पुगेको छ । बैंकले १६५ शाखा, विभिन्न शाखा रहित बैंकिङ्ग सेवा, १० वटा एक्स्टेन्सन काउण्टर कार्यालय, १३२ वटा एटिएम मेशिन मार्फत बैंकिङ्ग सेवा प्रवाह गरिरहेको छ । साथै, बैंकले निकट भविष्यमा देशका विभिन्न २८ स्थानमा नयाँ शाखा कार्यालयहरु खोली सेवा विस्तार गर्ने जनाएको छ ।