नेपाल एग्रो लघुवित्तले लाभांश प्रस्ताव परिमार्जन गरेको छ । कम्पनीले यस अघि १५ प्रतिशत नगद लाभांश प्रस्ताव गरेकोमा अब त्यसलाई बोनस शेयरको रुपमा वितरण गर्ने कम्पनीले प्रस्ताव गरेको हो ।
कम्पनीले चुक्ता पुँजीको १५ प्रतिशतले हुन आउने ७४ लाख ६६ हजार ६ सय ७० रुपैयाँ बराबरको नगद लाभांश वितरण गर्ने प्रस्ताव गरेको थियो । तर नेपाल राष्ट बैंकले पुँजीकोष पर्याप्तको कारण देखाउदै नगद वितरण गर्न नसकिने र बोनस वितरण गर्ने सकिने देखिएकोले नगदलाई बोनसलाई हुने गरि संशोधन गरिएको कम्पनीले जनाएको छ ।
अब कम्पनीले चुक्ता पुँजीको १५ प्रतिशतले हुन आउने ७४ लाख ६६ हजार ६ सय ७० रुपैयाँ बराबरको बोनस शेयर र त्यसको कर प्रयोजनको लागि थप ३ लाख ९३ हजार दुई सय ४५ रुपैयाँ बराबरको नगद दिने प्रस्ताव गरेको छ । कम्पनीले प्रस्ताव गरेको लाभांश नेपाल राष्ट्र बैंकले स्वीकृत दिएर आगामी साधाराणसभाले पारित गरेपछी शेयरधनीले प्राप्त गर्नेछन् ।
