नेपाल स्टक एक्सचेन्ज नेप्सेमा नयाँ नेपाल लघुवित्तको शेयर कारोबार रोक्का भएको छ । कम्पनीले सारथी लघुवित्तसँग मर्जमा जाने सम्झौता गरेसंगै नेप्सेमा कारोबार रोक्का भएको हो ।
दुई कम्पनी १:१ को स्वाप रेसियोमा मर्जरमा जाने प्रारम्भिक सम्झौता भएको र अन्तिम स्वाप भने डिडिए प्रतिवेदन अनुसार हुने स्रोतले जनाएको छ। मर्जरपछि बन्ने कम्पनीको नाम सारथी नेपाल लघुवित्त रहने प्रारम्भिक सम्झौता भएको छ । मर्जरपछि अध्यक्ष नयाँ नेपालबाट हुने सीइओ सारथीबाट हुने भएका छन् ।
हाल सारथीको चुक्ता पुँजी ८ करोड १० लाख रहेको छ। कम्पनी २२ प्रतिशत हकप्रद दिएर मर्जमा जाने भएको हो । त्यस्तै नयाँ नेपालको चुक्ता पुंजी १० करोड रहेको छ ।
मर्जरपछि संस्थापक र सर्वसाधारणको शेयर रेसियो ७०:३० कायम गरिने र त्यो अनुपात मिलाउन आवश्यक मात्रमा एफपिओ निष्काशन गर्ने सहमति पनि भएको छ ।
