नेपाल बैंक Nepal Bank Limited ले विशेष साधारणसभा आह्वान गरेको छ। बैंकले असोज १९ गते बिहान ११ बजे अनलाइन अर्थात् जुमको माध्यम सभा आह्वान गरेको हो ।
बैंकले २ वटा प्रस्ताव पारित गर्न सभा आह्वान गरेको हो । बैंकले बैंकमा नेपाल सरकारबाट प्रतिनिधित्व गर्ने संचालकको संख्या ४ बाट घटाएर ३ बनाउने र सर्वसाधारण शेयरधनीको तर्फबाट प्रतिनिधित्व गर्ने संचालकको संख्या २ बाट बढाएर ३ बनाउने प्रस्ताव पारित गर्न लागेको हो ।
त्यस्तै बैंकले प्रबन्धपत्र र नियमावलीलाई समानुकुल अद्यावधिक गर्नु पर्ने भएकोले सो प्रस्ताव समेत सभामा पेश गर्ने भएको छ । प्रबन्धपत्र र नियमावली परिमार्जन गर्ने अख्तियारी संचालक समितिलाई दिने प्रस्ताव पनि सभामा पेश हुने छ ।
बैंकले सभा प्रयोजनको लागि असोज ८ गते बुक क्लोज गर्ने निर्णय गरेको छ । असोज ७ गतेसम्म कायम शेयरधनीले मात्र सभामा भाग लिन सक्ने छन् ।