नेपाल इन्भेष्टमेन्ट बैंक Nepal Investment Bank Limited ले विशेष साधारणसभा आह्वान गरेको छ । बैंकले असोज २८ गते वेबिनार मार्फत सभा गर्न लागेको हो ।
सभामा बैंकले सिटी एक्सप्रेस फाइनान्सलाई गाभ्ने विशेष प्रस्ताव र त्यस समबन्धि अन्य प्रस्ताव पेश गर्ने छ । त्यस्तै फाइनान्सलाई प्राप्तिपछि चुक्ता पुँजी वृद्धि गर्ने, प्रबन्ध पत्र र नियमावलीमा आवश्यक संशोधन गर्ने प्रस्ताव पनि पेश हुने छ ।
नियामक निकायले थप निर्देशन दिएमा सोहि अनुसार प्रबन्ध पत्र र नियमावलीमा आवश्यक संशोधन गर्ने अख्तियारी संचालक समितिलाई दिने प्रस्ताव पनि सभामा पेश हुने छ । फाइनान्सले पनि सोहि प्रयोजनको लागि असोज २८ गते बुधबार नै विशेष साधारणसभा आह्वान गरेको छ ।
बैंकले १००:३० को अनुपातमा फाइनान्सलाई गाभ्न लागेको हो । अर्थात् फाइनान्सको १०० कित्ता शेयर हुनेले बैंकको ३० कित्ता शेयर पाउने छन् ।