गुराँस लाइफ इन्स्योरेन्स Gurans Life Insurance Company ले साधारणसभा आह्वान गरेको छ । कम्पनीले मङ्सिर ४ गते तिनकुने स्थित आफ्नै प्रधान कार्यालयमा सभा आह्वान गरेको हो ।
साधारणसभामा लाभांश सहितका विभिन्न प्रस्ताव पेश हुने छन् । कम्पनीले आर्थिक वर्ष ७४/७५ को मुनाफाबाट ५.२५ प्रतिशत बोनस दिने र कर प्रयोजनको लागि नगद लाभांश वितरण गर्ने प्रस्ताव गरेको छ । कम्पनीले यस अघि १०.५० प्रतिशत बोनस घोषणा गरेपनि कम्पनीको १:१ अनुपातको हकप्रद नेप्सेमा सूचीकरण भई चुक्ता पुँजी १ अर्ब ८७ करोड कायम भएकोले सोहि अनुसार दर समायोजन हुने गरी यस अघि घोषणा भए भन्दा आधा मात्र बोनस वितरण गर्ने उल्लेख गरेको हो । प्रस्ताव साधारणसभाले पारित गरेपछि लाभांश लगानीकर्तामा बितरण हुने छ ।
सभाले ६ जना संचालकको निर्वाचन समेत गर्ने छ ।
