नेपाल स्टक एक्सचेन्ज नेप्सेमा सानिमा जनरल इन्स्योरेन्स Sanima General Insurance Company को आईपिओ सुचिकृत भएको छ । मंगलबार कम्पनीको १ करोड कित्ता शेयर सुचिकृत भएको हो ।
शेयर सुचिकृत भएसंगै बुधबारबाट कम्पनीको SGI सिम्बलबाट शेयर कारोबार हुने छ । पहिलो कारोबारको लागि नेप्सेले १०३.७३ देखि ३११.१९ सम्मको सुरुवाती रेन्ज तोकेको छ । नेप्सेके पहिलो कारोबारको लागि कम्पनीको नेटवर्थको ३ गुणासम्मको सुरुवाती रेन्ज तोक्ने गरेको छ । यो रेन्जको बीचमा रहेको जुनसुकै मूल्यबाट कम्पनीको कारोबार सुरु गर्न सकिन्छ ।
कम्पनीको शेयर रजिष्ट्रारमा सानिमा क्यापिटल नियुक्त भएको छ । सानिमा जनरलको धितोपत्र कारोबार सम्बन्धी अभिलेख राख्ने, शेयर दाखिल खारेज गर्ने, नाम सारी गर्ने लगायतका शेयरधनीहरुको लगत अद्यावधिक राख्ने सम्बन्धी सम्पूर्ण काम कारबाही सानिमा क्यापिटलले गर्ने भएको छ ।
कम्पनीले असोज २१ गतेदेखि प्रति शेयर १ सय अंकित दरले हुने ३० करोड बराबरको ३० लाख कित्ता आईपिओ निष्काशन गरेको थियो । सर्वसाधारण शेयर निष्काशन गरे पश्चात कम्पनीको चुक्ता पूँजी एक अर्ब रुपैयाँ पुगेको छ ।
